গোলাঘাট জিলা ভিত্তিত চিত্রাংকন প্রতিযোগিতা
ৰাইজৰ খবৰ ডিজিটেল, বোকাখাতঃ বোকাখাত উপ-জিলাৰ কমাৰগাঁৱৰ বৰদিহিঙীয়াস্থিত ঘনকান্ত শইকীয়া আৰু তিলেশ্বৰী শইকীয়া সোঁৱৰণী পুথিভঁৰালৰ উদ্যোগত গোলাঘাট জিলা ভিত্তিত চিত্রাংকন প্রতিযোগিতা অয়োজন কৰা হৈছে। অহা ৫ জুলাইত নুমলীগড় উচ্চতৰ মাধ্যমিক বিদ্যালয়ত দুটা শাখাত এই চিত্রাংকন প্রতিযোগিতা অনুষ্ঠিত হ’ব। ‘ক’ শাখা-প্রাথমিক বিদ্যালয় পৰ্যায়ত আৰু ‘খ’ শাখাত ষষ্ঠ শ্ৰেণীৰ পৰা অষ্টম শ্রেণীলৈকে। প্ৰতিযোগিতাৰ পুৰস্কাৰ সমূহ হ’লঃ প্রথম ২০০০ টকা, দ্বিতীয় ১,৫০০ টকা আৰু তৃতীয় ১,০০০টকা। লগতে মানপত্ৰ আৰু অন্যান্য উপহাৰ থাকিব। ইচ্ছুক প্রতিযোগীয়ে সবিশেষ জানিবৰ বাবে ৯৮৫৪৩৮৪৯৬১ বা ৯৪০১১২৫১২৭ ফোন নম্বৰত যোগাযোগ কৰাৰ লগতে অহা ২৯ জুন তাৰিখৰ ভিতৰত এই নম্বৰত হোৱাটছএপ যোগে যোগদান নিশ্চিত কৰিব লাগিব বুলি প্ৰতিযোগিতা আয়োজক সমিতিৰ মুখ্য আহ্বায়ক যতীন কাকতিয়ে এক প্ৰেছ বিবৃতি যোগে জনাইছে। চিত্র অংকনৰ প্ৰতিযোগীক কেৱল কাগজৰ যোগান ধৰা হ’ব। প্রতিযোগিতাৰ দিনাই পুৰস্কাৰ প্ৰদানৰ লগতে অনুষ্ঠানৰ লগত সংগতি ৰাখি সাংস্কৃতিক অনুষ্ঠানৰো আয়োজন কৰা হ’ব। ইচ্ছুক প্রতিযোগীয়ে সাংস্কৃতিক অনুষ্ঠানত অংশ গ্ৰহণ কৰিব পাৰিব বুলিও বিবৃতিত প্ৰকাশ।
