গোলাঘাটৰ ৰ’টাৰী ক্লাৱৰ উদ্যোগ
কাজিৰঙাৰ বৰগছ ৰিচৰ্টত সম্পন্ন ৰক্তদান শিৱিৰ
ৰাইজৰ খবৰ ডিজিটেল, কাজিৰঙাঃ গোলাঘাটৰ ৰ’টাৰী ক্লাৱৰ উদ্যোগত আৰু কাজিৰঙাৰ বৰগছ ৰিচৰ্টৰ সহযোগত আজি কাজিৰঙাত অনুষ্ঠিত হয় ৰক্তদান শিৱিৰ৷ কাজিৰঙাৰ বৰগছ ৰিচৰ্টত অনুষ্ঠিত হোৱা এই ৰক্তদান শিৱিৰত তেজ দান কৰে কেইবাগৰাকী মহিলাকে ধৰি অৰ্ধ শতাধিক লোকে৷ ৰ’টাৰী ক্লাৱ, গোলাঘাটৰ প্ৰাক্তন সভাপতি ড° মনোৱাৰা বেগমে আঁত ধৰা অনুষ্ঠানটি মুকলি কৰে সংগঠনটোৰ বৰ্তমানৰ সভাপতি উপেন গগৈয়ে৷ তেখেতে কয় যে ৰক্তদান মানেই জীৱন দান৷ ৰক্তদান সুৰক্ষিত৷ সকলোৱে ৰক্তদান কৰি জীৱন বচাবৰ বাবে চেষ্টা কৰা উচিত৷ ছহীদ কুশল কোঁৱৰ অসামৰিক চিকিৎসালয়ৰ চিকিৎসক ডা° এছ সূত্ৰধৰৰ নেতৃত্বত অহা চিকিৎসা কৰ্মীয়ে তেজখিনি সংগ্ৰহ কৰে৷ ৰক্তদান শিৱিৰ আৰম্ভণিৰ সময়তে বৰগছ ৰিচৰ্টৰ মহা প্ৰৱন্ধক চন্দনসেন দহোটীয়া, ব্লাড বেংকৰ চিকিৎসক ডা° এছ সূত্ৰধৰ, বিষয়া বিজু বৰাক ৰ’টাৰী ক্লাৱৰ তৰফৰ পৰা গামোছা আৰু স্মাৰকেৰে সম্ভাষণ জনোৱা হয়৷ অৱসৰপ্ৰাপ্ত প্ৰশাসনিক বিষয়া, ৰ’টাৰী ক্লাৱৰ বিষয়ববীয়া তথা গোলাঘাট জিলা কংগ্ৰেছৰ উপ সভাপতি উৎপল দলে, ৰ’টাৰী ক্লাৱৰ পূৰ্ণানন্দ গগৈ, ছাজাদুৰ ৰহমান, মণ্টু চেতিয়া, বুলি গগৈ, যুৱ নেতা অৰিন্দম বড়ি, জ্যেষ্ঠ সাংবাদিক অভিজিৎ গগৈ, কাজিৰঙা অধ্যয়ন চক্ৰৰ অধ্যক্ষ, সাংবাদিক ধ্ৰুৱজ্যোতি সাহা, কাজিৰঙা অধ্যয়ন চক্ৰৰ কাৰ্যকৰী সদস্য অজানিতা হাজৰিকা, প্ৰিয়া চাহু, তৰালী শইকীয়া মহিলা কংগ্ৰেছৰ সভানেত্ৰী ললিতা নাথ, ৰাজ্যিক সমিতিৰ মামনি দলে, ৰঞ্জন দলে, শিৱা গড়, অশোক তাঁতী আদিৰ লগতে বিভিন্নজন উপস্থিত থাকে৷
