আন্তঃজিলা য়ুথ বক্সিং চেম্পিয়নশ্বিপত
যোৰহাট জিলা দলৰ বিশেষ সফলতা অৰ্জন
জিতুল কুমাৰ গগৈ, যোৰহাটঃ মাজুলীত সদ্যসমাপ্ত সদৌ অসম আন্তঃজিলা য়ুথ বক্সিং চেম্পিয়নশ্বিপ ২০২৪ প্ৰতিযোগিতাখনত যোৰহাট জিলা এমেছাৰ বক্সিং দলটোৱে একোটাকৈ সোণ, ৰূপ আৰু দুটা ব্ৰঞ্জৰ পদকসহ মুঠ চাৰিটাকৈ পদক অৰ্জন কৰি জিলাখনলৈ গৌৰৱ কঢ়িয়াই আনিছে। প্ৰতিযোগিতাখনত যোৰহাটৰ দলটোৰ অবিনাশ দাসে ল’ৰাৰ ৫৪ কেজি শাখাত সোণৰ পদক, ছোৱালীৰ ৭৫ কেজি শাখাত কাব্যশ্ৰী কলিতাই ৰূপৰ পদক অৰ্জন কৰাৰ লগতে ল’ৰাৰ ৫৭ কেজি শাখাত প্ৰাচনিক গগৈয়ে ব্ৰঞ্জৰ পদক আৰু ল’ৰাৰ ৬৩ কেজি শাখাত নিলীকেশ গগৈয়ে ব্ৰঞ্জৰ পদক অৰ্জন কৰে। যোৰহাট জিলা এমেছাৰ বক্সিং সন্থাৰ সভাপতি ভবেন্দ্ৰ নাথ ভৰালী আৰু সম্পাদক বিদ্যুৎ ফুকনে সমুহ পদক বিজয়ী বক্সাৰ সকলক আন্তৰিক অভিনন্দন জনোৱাৰ লগতে যোৰহাট জিলাৰ ক্ৰীড়া বিভাগৰ সমূহ কতৃপক্ষ তথা যোৰহাটৰ বিধায়ক আৰু সাংসদক অনুৰোধ জনাইছে যে যোৰহাট জিলালৈ এটা বক্সিং ৰিঙ অনুমোদনৰে তেখেত সকলৰ ক্ৰীড়াৰ প্ৰতি থকা দায়িত্ব, সদিচ্ছা আৰু দায়বদ্ধতা প্ৰকাশ কৰিবলৈ আহ্বান জনাইছে। উল্লেখযোগ্য যে, বিগত দিনত হৈ যোৱা ছাব-জুনিয়ৰ আৰু জুনিয়ৰ শাখাতো যোৰহাট জিলাৰ বক্সিঙৰ খেলুৱৈ সকলে গৌৰৱ উজ্জ্বল ভাৱে সফলতা লাভ কৰি যোৰহাট জিলালৈ বিশেষ ভাৱে গৌৰৱ কঢ়িয়াই আনিবলৈ সক্ষম হৈছে।
