সুব্ৰত কাপত আই এছ এছ অʼক পৰাস্ত নুমলীগড় উঃ মাঃ বিদ্যালয়ৰ দলৰ

নিউজ ডেস্ক ৰিপৰ্ট, ৰাইজৰ খবৰ ডিজিটেলঃ সোমবাৰৰ পৰা নতুন দিল্লীত ৬৩ সংখ্যক সুব্রত কাপ ফুটবল প্রতিযোগিতা আৰম্ভ হৈছে৷ ল’ৰাৰ জুনিয়ৰ শাখাৰ ১৭ বছৰ অনুৰ্ধ এই প্রতিযোগিতাৰ লীগ মেচৰ বুধবাৰে অনুষ্ঠিত খেলত অসম দলক প্ৰতিনিধিত্ব কৰা নুমলীগড় উচ্চতৰ মাধ্যমিক বিদ্যালয়ে আই এছ এছ অʼ, (আন্তঃৰাষ্ট্ৰীয় বিদ্যালয় ক্ৰীড়া সংস্থা) দলক
১০-০ গ’লৰ ব্যৱধানত পৰাজিত কৰে। নতুন দিল্লীৰ গুৰুগ্ৰাম খেলপথাৰত অনুষ্ঠিত এই গ্রুপ লীগৰ মেচখনত কালিলৈ নুমলীগড় উচ্চতৰ মাধ্যমিক বিদ্যালয়ৰ দলে উত্তৰাখণ্ড দলৰ বিৰুদ্ধে পুৱা ৭ বজাত অৱতীৰ্ণ হ’ব। ইতিমধ্যে নুমলীগড় উচ্চতৰ মাধ্যমিক বিদ্যালয়ৰ দলে দুখন মেচত জয়লাভ কৰিছে। নুমলীগড় দলৰ পাৰ্থ ডেকাই বুধবাৰৰ খেলত ৬ টাকৈ গ’ল দিয়ে।