গৌৰৱ গগৈ ফেনচ ক্লাৱ অসমৰ উদ্যোগত
গৌৰৱ গগৈৰ জন্ম দিন পালন

জিতুল কুমাৰ গগৈ, যোৰহাটঃ যোৰহাট লোকসভা সমষ্টিৰ সাংসদ তথা লোকসভাৰ বিৰোধী দলৰ উপ-দলপতি গৌৰৱ গগৈৰ আজি ওপজা দিন উপলক্ষে আজিৰ এই দিনটোত গৌৰৱ গগৈ ফেনচ ক্লাব অসমৰ উদ্যোগত এলানি কায্যসূচীৰে অসমৰ বিভিন্ন জিলা আৰু সমষ্টি সমূহত গ্ৰহণ কৰে। এই কায্যসূচীৰ অংশৰূপে গৌৰৱ গগৈ ফেনচ্ ক্লাব যোৰহাট জিলাই আজি দিনযোৰ এক সমূহীয়া সামাজিক কায্যসূচী গ্ৰহণ কৰে। যোৰহাট জিলাত পুৱা ৭ বজাতেই ফেনচ্ ক্লাৱৰ সদস্য সকলে টীয়কত এক চাফাই কায্যসূচী গ্ৰহণ কৰে। ইয়াৰ পিছতেই বৰভেটি নামঘৰ প্ৰাংগণত চাফাই অভিযান আৰু বন্তি প্ৰজ্বলন, তিতাবৰৰ দেওঘৰত শৰাইসহ বন্তি প্ৰজ্বলন, ঢেকীয়াখোৱা বৰ নামঘৰত সমবেত ভকত বৈষ্ণৱ সকলক বিশুদ্ধ খোৱা পানীৰ যোগান, দিনৰ ১১ বজাত যোৰহাট জিলা ফেনচ্ ক্লাবৰ সকলো সদস্য একত্ৰিত হৈ একোখনিকৈ নৈবেদ্য শৰাই দিয়াৰ লগতে বৰনামঘৰৰ চৌহদত চাফাই অভিযান সমাপন কৰে। ফেনচ্ ক্লাৱৰ সদস্য সকলে ঢেকীয়াখোৱা বৰ নামঘৰৰ পৰিচালনা সমিতিৰ সভাপতি তথা সম্পাদকক একোখনকৈ গামোচাৰে সম্বৰ্ধনা জনোৱাৰ লগতে নামঘৰৰ চৌহদত ৰোপনৰ বাবে গছপুলি প্ৰদান কৰে। তিতাবৰটো প্ৰজ্ঞালয়ৰ শিশু সকলৰ মাজত জন্মদিন পালন আৰু লঘু আহাৰ বিতৰণ কৰে। যোৰহাট জিলা ফেনচ্ ক্লাবৰ সদস্য সকলে আজিৰ কায্যসূচীত অংশগ্ৰহণ কৰা সকলো ব্যক্তিকে ধন্যবাদ জ্ঞাপন কৰাৰ লগতে কায্যসূচীখিনি ৰূপায়ন কৰা স্থান সমূহৰ লগত জড়িত প্ৰতিজন ব্যক্তিক আন্তৰিক কৃতজ্ঞতা জ্ঞাপন কৰিছে।