সৰ্বাইবন্ধাত কৃতী ছাত্ৰ -ছাত্ৰীৰ অভিনন্দন অনুষ্ঠান
মৃদুস্মিতা শৰ্মা , ৰাইজৰ খবৰঃ যোৱা ১৬ জুন দেওবাৰে আবেলি ৬ বজাত সৰ্ব্বাইবন্ধা পূজা মন্দিৰত সৰ্ব্বাইবন্ধা উন্নয়ন সমিতিৰ সৌজন্যত আৰু সৰ্ব্বাইবন্ধা পূজা মন্দিৰৰ সহযোগিতাত উচ্চতৰ মাধ্যমিক পৰীক্ষাত উত্তীৰ্ণ হোৱা সৰ্ব্বাইবন্ধা অঞ্চলটোৰ কৃতী ছাত্ৰ- ছাত্ৰী সকলক একোখনি মানপত্ৰৰে অভিনন্দন জনোৱা হয়। সৰ্ব্বাইবন্ধা উন্নয়ন সমিতিৰ সভাপতি প্ৰশান্ত প্ৰসাদ বৰুৱাৰ সঞ্চালনাত অনুষ্ঠিত হোৱা অভিনন্দন অনুষ্ঠানত সভাৰ উদেশ্য ব্যাখ্যা কৰে উন্নয়ন সমিতিৰ যুটীয়া সম্পাদক পৰাগ প্ৰতিম বৰুৱাই। উন্নয়ণ সমিতিৰ কাৰ্যকৰী সভাপতি পবিত্ৰ বৰঠাকুৰে অভিনন্দন পত্ৰ খনি পাঠ কৰি উন্নয়ন সমিতিৰ বিষয়ে বহলাই কয়। সভাত সৰ্ববাইবন্ধা পূজা মন্দিৰৰ জ্যেষ্ঠ সদস্য প্ৰবীন বৰুৱা, অতুল ভাগৱতী, ডাক্টৰ ৰাজীৱ বৰকটকী,উন্নয়ণ সমিতিৰ যুটীয়া সম্পাদক প্ৰদুৎ কুমাৰ ফুকনে বক্তব্য ৰাখে। সভাত কৃতী ছাত্ৰ -ছাত্ৰী সকলেও নিজৰ নিজৰ মনৰ ভাব প্ৰকাশ কৰে। অভিনন্দন জনোৱা ছাত্ৰ-ছাত্ৰী সকল ক্ৰমে কিংকিনী কৃষ্ণাত্ৰেয়, লিচিনি বৰঠাকুৰ, অয়নীকা বৰকটকী, স্বাগতা শইকীয়া, পৰিস্মিতা আচাৰ্য, নন্দিনী শৰ্মা, ঋতৃস্কা বৰুৱা , অভিশেষ ফুকন , ফুকন বৰঠাকুৰ,ঋস্মিতা বৰুৱা। অনুষ্ঠানৰ শেষত জনপ্ৰিয় ডাক্তৰ ৰাজীৱ বৰকটকীৰ গীতৰ সুন্দৰ এক অনুষ্ঠানেৰে অভিনন্দন অনুষ্ঠানৰ সামৰণি পৰে।
