গোলাঘাট প্ৰেছ ক্লাৱৰ ৰূপালী জয়ন্তীৰ শুভাাৰম্ভ
একেখন পতাকাৰ তলত একত্ৰিত জিলাৰ সাংবাদিক, লেখক, কণ্ঠশিল্পী
ৰাইজৰ খবৰ ডিজিটেলৰ সম্পাদনা উপদেষ্টা বুবুল দত্তক সাংবাদিকতাৰ জীৱনজোৰা বঁটা, কণ্ঠশিল্পী আচুৰ্য বৰপাত্ৰক সংগীত মাধুৰ্য বঁটাৰ লগতে ১২ জনক বঁটা প্ৰদান
মৃদুস্মিতা শৰ্মা, ৰাইজৰ খবৰ ডিজিটেলঃ গোলাঘাট প্ৰেছ ক্লাবৰ পতাকাৰ তলত বিপুল সমাবেশৰ অভূতপূৰ্ব পৰিৱেশত দেওবাৰে একেখন মঞ্চত সমবেত হ’ল গোলাঘাট জিলাৰ প্ৰতিটো প্ৰান্তৰ সাংবাদিক, লেখক, কবি আৰু সচেতন নাগৰিক। গোলঘাট প্ৰেছ ক্লাবৰ গৌৰৱময় ৰূপালী জয়ন্তী বৰ্ষৰ আৰম্ভণি অনুষ্ঠান, বিশেষ অধিৱেশন আৰু বঁটা প্ৰদান অনুষ্ঠান উপলক্ষে দিনজোৰা বিস্তৃত কাৰ্যসূচীৰে গোলাঘাট প্ৰেছ ক্লাবৰ কাৰ্যালয়ত আয়োজিত প্ৰতিনিধি সভাত সকলো ধৰণৰ মতাদৰ্শৰ উৰ্ধত অৱস্থান কৰি গোলাঘাট জিলাৰ বোকাখাত, কাজিৰঙা, দেৰগাঁও, মেৰাপানী, সৰুপথাৰ, বৰপথাৰ, খুমটাই আদিৰ জ্যেষ্ঠ সাংবাদিকসকলে অংশগ্ৰহণ কৰি গোলাঘাট জিলা ভিত্তিত পৰিসৰ বৃদ্ধি কৰি সৰ্বসন্মতি ক্ৰমে গঠন কৰে গোলাঘাট প্ৰেছ ক্লাবৰ ১১১ জনীয়া বিশাল কাৰ্য নিৰ্বাহক সমিতি।
আগন্তুক কাৰ্যকালৰ বাবে বিশিষ্ট লেখক, শিক্ষাবিদ দেৱজিৎ ফুকনক সভাপতি, জ্যেষ্ঠ সাংবাদিক দিগন্ত কুমাৰ ভূঞাক কাৰ্যকৰী সভাপতি, সাংবাদিক প্ৰবীণ কুমাৰ দাসক সাধাৰণ সম্পাদক হিচাপে সৰ্বসন্মতিক্ৰমে নিৰ্বাচিত হয়।
সেইদৰে বোকাখাতৰ প্ৰবীণ সাংবাদিক ৰাইজৰ খবৰ ডিজিটেলৰ মুখ্য সম্পাদক জিতু শৰ্মা ৰাজখোৱা, সম্পাদনা উপদেষ্টা বোকাখাতৰ বুবুল দত্ত, জ্যেষ্ঠ সাংবাদিক সৰুপথাৰৰ দ্বীপেন কুমাৰ বৰা, জ্যেষ্ঠ সাংবাদিক কাজিৰঙাৰ ৰঞ্জিত ৰজক, বৰপথাৰ প্ৰেছ ক্লাবৰ সম্পাদক বেদান্ত ভাৰ্গৱ, সম্পাদক অৱনী শৰ্মা, জ্যেষ্ঠ সাংবাদিক খুমটাইৰ বাবুল গগৈ, বিশিষ্ট শিক্ষাবিদ, লেখক গণেশ গোস্বামী, জ্যেষ্ঠ সাংবাদিক মেৰাপানীৰ নগেন বৰা, দুলাল দাস, বাবুল শইকীয়া, লেখক প্ৰিয়ংদ্বীপ কাকতি আদিক উপদেষ্টা, ঋতুপল্লৱ শইকীয়া আৰু নিবেদিতা বৰা বৰুৱাক আইন উপদেষ্টা, জ্যেষ্ঠ সাংবাদিক গোলাঘাটৰ দিগন্ত কুমাৰ বৰা, জয়দ্বীপ গুপ্তা, পংকজ হাজৰিকা, মোস্তাক হুছেইন, ধনশিৰি মহকুমাৰ সাংবাদিক সন্থাৰ সভাপতি মামুদ আলিক উপ-সভাপতি, সাংবাদিক সৌভিক বৰা, ভাস্কৰ বৰা, হিৰণ্য গগৈ, দেৱাশীষ গৌতমক সহকাৰী সাধাৰণ সম্পাদক, সাংবাদিক চন্দন কৰ্মকাৰ আৰু চুমি দত্তক কাৰ্যালয় সম্পাদক, সাংবাদিক চন্দন বৰা, অপূৰ্ব শৰ্মা, ধ্ৰুৱজ্যোতি বৰা, মৃদুস্মিতা শৰ্মা, অভিজিৎ দুৱৰা, পৱন কামান, চবিত বিষ্ট, হেমন্ত তামূলী, সুনীল বৰা, কুলেশ বৰা আৰু কমলাক্ষী দত্তক সাংগঠনিক সম্পাদক, সাংবাদিক স্কুল দত্ত, সাৰংগ তামূলী, মৃদুস্মন্ত বৰুৱা, পংকজ দত্ত, মনোজ গগৈ, ভূপেন শইকীয়া, বিভাস শইকীয়া, উদীপ বৰাক প্ৰচাৰ সম্পাদক, সুজিত কানৈ আৰু বিজয় হাজৰিকাক বিত্ত সম্পাদক, ভাৰ্গৱ শইকীয়াক মুখ্য সমন্বয়ক, জয়ন্ত গগৈ, বিদ্বান বৰদলৈক সমন্বয়ক, স্বাগতা বৰা, কুকি বৰাক সাংস্কৃতিক সম্পাদক, পল্লৱীকা বৰুৱা, প্ৰাঞ্জল হাজৰিকা, প্ৰিঞ্চিপ্ৰিয়া ফুকন আৰু কুমকুম চাংমাইক সাহিত্য সম্পাদক, দীপক বৰাক পত্ৰিকা সম্পাদক আদিৰ লগতে কাৰ্যনিৰ্বাহক সদস্য, বিশেষ আমন্ত্ৰিত সদস্যকে ধৰি গোলাঘাট প্ৰেছ ক্লাবৰ ১১১ জনীয়া নতুন সমিতি গঠন কৰে।
প্ৰতিনিধি সভা উদ্বোধন কৰে বিশিষ্ট লেখক, একালৰ প্ৰবীণ সাংবাদিক, ঢেকীয়াল উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ গণেশ গোস্বামীয়ে। কাৰ্যসূচীৰ পুৱা পতাকা উত্তোলন কৰে প্ৰেছ ক্লাবৰ সভাপতি দেৱজিৎ ফুকনে। শ্ৰদ্ধাঞ্জলি অনুষ্ঠান মুকলি কৰে জ্যেষ্ঠ সাংবাদিক জয়দ্বীপ গুপ্তাই। স্মৃতি তৰ্পণ কৰে ভাৰপ্ৰাপ্ত সাধাৰণ সম্পাদক প্ৰবীণ কুমাৰ দাস আৰু সাংবাদিক চন্দন কৰ্মকাৰে৷ ৰূপালী জয়ন্তী বৰ্ষৰ শিখা প্ৰজ্বলন কৰে সাংবাদিক সৌভিক বৰাই।
গোলাঘাট পৌৰসভা কাৰ্যালয়ৰ সভাকক্ষত প্ৰেছ ক্লাৱৰ সভাপতি দেৱজিৎ ফুকনৰ পৌৰাহিত্যত গাম্ভীৰ্যপূৰ্ণ ভাৱে অনুষ্ঠিত হোৱা মুকলি সভা আৰু বঁটা প্ৰদান অনুষ্ঠানৰ শুভ উদ্বোধন কৰে প্ৰবীণ সাংবাদিক, অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱাই। আদৰণি ভাষণ প্ৰদান কৰে প্ৰেছ ক্লাৱৰ কাৰ্যকৰী সভাপতি দিগন্ত কুমাৰ ভূঞাই। বন্তি প্ৰজ্বলন কৰে গোলাঘাট পৌৰ সভাৰ পৌৰপতি দুলুমণি বৰবৰাই।
সভাত লেখক, বিশিষ্ট সমাজকৰ্মী প্ৰিয়ংদ্বীপ কাকতি, পৌৰ সভাৰ উপ-পৌৰপতি সীমান্ত বৰা, লেখক শিক্ষাবিদ গণেশ গোস্বামী, প্ৰবীণ সাংবাদিক নগেন বৰা, বিশিষ্ট শিক্ষাবিদ, লেখক তিলেশ্বৰ তামূলী আদিয়ে বিশিষ্ট অতিথি হিচাপে অংশগ্ৰহণ কৰে৷ উক্ত অনুষ্ঠানতে বোকাখাতৰ প্ৰবীণ সাংবাদিক বুবুল দত্তক সাংবাদিকতাৰ জীৱনজোৰা সাধনা বঁটা, গোলাঘাটৰ মোস্তাক হুছেইনক অনুসন্ধানমূলক সাংবাদিকতা বঁটা, জনপ্ৰিয় কণ্ঠশিল্পী আচুৰ্য বৰপাত্ৰ গোহাঁইক সংগীত মাধুৰ্য বঁটা, পূৰ্ণ ৰাজখোৱাক বিশিষ্ট সামাজিক কৰ্মী বঁটা, সঞ্জীৱ সন্দিকৈক বিশিষ্ট ক্ৰীড়া সংগঠক বঁটা, জ্যেষ্ঠ সাংবাদিক সৰুপথাৰৰ দ্বীপেন বৰা, জ্যেষ্ঠ সাংবাদিক গোলাঘাটৰ দিগন্ত কুমাৰ বৰা, জ্যেষ্ঠ সাংবাদিক কাজিৰঙাৰ ৰঞ্জিত ৰজক, জ্যেষ্ঠ সাংবাদিক গোলাঘাটৰ পংকজ হাজৰিকা, জ্যেষ্ঠ সাংবাদিক দেৰগাঁৱৰ বিজয় হাজৰিকা, জ্যেষ্ঠ সাংবাদিক মেৰাপানীৰ হিৰণ্য গগৈ, জ্যেষ্ঠ সাংবাদিক খুমটাইৰ বাবুল গগৈক সক্ৰিয় সাংবাদিকতা বঁটা প্ৰদান কৰা হয়।
বঁটা প্ৰাপক সকলক তাই আহোম ছাত্ৰ সন্থা, গোলাঘাট জিলা সমিতি, তাই আহোম যুৱ পৰিষদ, চুতীয়া জাতি ছাত্ৰ সন্থা, গোলাঘাট জিলা সমিতি, গোলাঘাট সন্মিলিত মটৰ পৰিবহন সন্থা, অসম জাতীয়তাবাদী যুৱ পৰিষদ, গোলাঘাট জিলা সমিতি, জাতীয় সংগ্ৰামী সেনা, সদৌ অসম পত্ৰকাৰ মহাসভা, আমছু খিলঞ্জীয়া আদি বিভিন্ন সংগঠনে অনুষ্ঠানত বিপুল সম্বৰ্ধনা জনায়। উক্ত অনুষ্ঠানত জনপ্ৰিয় শিল্পী আচুৰ্য বৰপাত্ৰ গোহাঁই আৰু সাংবাদিক ৰঞ্জিত ৰজকে দ্বৈত কণ্ঠত গীত পৰিৱেশন কৰি পৰিৱেশ জীপাল কৰি তোলে৷
