ড° ৰুবী বৰালৈ সাহিত্যশ্ৰী সন্মান
#ভালখবৰ
নিউজ ডেস্ক, ৰাইজৰ খবৰ ডিজিটেলঃ দৈনিক সংবাদ আৰু দিকদৰ্শন প্ৰকাশনে ২৩ মাৰ্চ, ২০২৫ তাৰিখে ড° ৰুবী বৰাক “সাহিত্যশ্ৰী’’ সন্মান প্ৰদান কৰে৷
বোকাখাতৰ জে.ডি.এছ.জি.মহাবিদ্যালয়ৰ অৱসৰপ্ৰাপ্ত অধ্যাপিকা ড° ৰুবী বৰাই গল্প, উপন্যাস, নাটক আৰু প্ৰবন্ধ ৰচনাৰে একনিষ্ঠভাৱে সাহিত্যৰ ক্ষেত্ৰ খনত কৰ্ষণ কৰি থকা ড° ৰুবী বৰালৈ আগবঢ়োৱা এই সাহিত্যশ্ৰী সন্মান নিশ্চিতভাৱে এক শুভবাৰ্তা৷
যোৰহাট ‘বিজ্ঞান ভৱন আৰু তাৰকা গৃহ’ত দিকদৰ্শন প্ৰকাশন আৰু দৈনিক সংবাদ গোষ্ঠীৰ উদ্যোগত আয়োজিত ‘গীত নৃত্য আৰু কবিতাৰ এদিন’ শীৰ্ষক অনুষ্ঠানটিত অসমৰ বিভিন্ন প্ৰান্তৰ বাৰ গৰাকী ব্যক্তিক বিভিন্ন শিতানত সন্মানেৰে সন্মানিত কৰাৰ লগতে ড° ৰুবী বৰাক ‘সাহিত্যশ্ৰী’ সন্মান প্ৰদান কৰে৷
ড° ৰুবী বৰালৈ ৰাইজৰ খবৰ ডিজিটেলৰ তৰফৰ পৰাও জনাইছোঁ অলেখ অভিনন্দন৷
