ৰাইজৰ খবৰ ডিজিটেল, গুৱাহাটীঃ
যোৱা ইং ৮ নৱেম্বৰ তাৰিখে বিয়লি ২ বজাত পল্টন বজাৰ শাখা লেখিকা সমাৰোহ সমিতিয়ে পল্টন বজাৰস্থিত পদ্মশ্রী নলিনীবালা দেৱী উদ্যানত” শাখাৰ মাহেকীয়া বৈঠকত “ভাষা গৌৰৱ সপ্তাহ উদযাপন ” উপলক্ষ্যে এখনি অসমীয়া ভাষাৰ চৰ্চাৰ সন্দৰ্ভত আলোচনা চক্ৰ অনুষ্ঠিত কৰে। সভাত সভাপতিত্ব কৰে ড০ নবনীতা দত্ত বৰদলৈয়ে। উক্ত সভাত পল্টন বজাৰ শাখাৰ সদস্যা সকলে অসমীয়া ভাষালৈ ধ্ৰুপদী ভাষাৰ স্বীকৃতি প্ৰদানৰ বৃহত্তৰ অসমীয়া সমাজৰ সাংস্কৃতিক পৰিচয় সুদৃঢকৰণৰ দিশত গ্ৰহণ কৰা প্ৰচেষ্টাৰ বাবে কেন্দ্ৰীয় চৰকাৰক কৃতজ্ঞতা জ্ঞাপন কৰে। শেষত অসম সংগীতৰে সভা খনি সমাপ্ত কৰা হয়।
