যোৰহাট মহানগৰ কবি সন্মিলনৰ প্ৰতিষ্ঠা দিৱস সম্পন্ন

জিতুল কুমাৰ গগৈ, যোৰহাটঃ যোৰহাট সাহিত্য সভাৰ ডাঃ নবীন চন্দ্ৰ বৰদলৈ ভৱনত বিনু ফুকনৰ সভাপতিত্বত যোৰহাট মহানগৰ কবি সন্মিলনৰ অষ্টম প্ৰতিষ্ঠা দিৱসটি বৰ্ণাধ্য কাৰ্যসূচীৰে অনুষ্ঠিত হয় ৷ সম্পাদক মফিদা বেগমে আঁত ধৰা অনুষ্ঠানটিৰ পতাকা উত্তোলন কৰে সভাপতি বিনু ফুকনে আৰু স্মৃতি তৰ্পণ কৰে যোৰহাট জিলা কবি সন্মিলনৰ প্ৰাক্তন সভাপতি যোগমায়া গগৈয়ে ৷ দুপৰীয়া এক বজাৰ পৰা আৰম্ভ হোৱা মুকলি সভাখনি সন্মিলনৰ সদস্যা সকলৰ দ্বাৰা পৰিবেশন কৰা এটি সমবেত সংগীতেৰে আৰম্ভ কৰা হয় ৷ সভাত ছেবা আৰু শিক্ষা সংসদৰ প্ৰাক্তন সচিব কমলজ্যোতি গগৈৰ অনুদানেৰে প্ৰায় দুশ কবিৰ এখনি কবিতাৰ সংকলন “শুকুলা মেঘৰ ছাঁ ” উন্মোচন কৰে অসম মহিলা বিশ্ববিদ্যালয়ৰ উপাচাৰ্য অজন্তা বৰগোঁসাই ৰাজকোঁৱৰে ৷ তেখেতৰ সাৰুৱা বক্তব্যৰে সকলোকে গুণমুগ্ধ কৰা অনুষ্ঠানটিত সদৌ অসম কবি সন্মিলনৰ সম্পাদক পাৰভিজ হুছেইন , সদৌ অসম কবি সন্মিলনৰ কোষাধ্যক্ষ বিজয় কুমাৰ স্বৰ্ণকাৰ , সদৌ অসম কবি সন্মিলনৰ উপ-সমিতি নন্দিনীৰ সভাপতি আৰেছা বেগম , যোৰহাট জিলা কবি সন্মিলনৰ সম্পাদক দেৱজিত গোস্বামী , উপ-সভাপতি মামনি গগৈ বৰুৱা , প্ৰকাশন অধ্যক্ষা নীৰদা গগৈ বৰা , যোৰহাট জিলা কবি সন্মিলনৰ প্ৰাক্তন সভাপতি দেবেন তাছা , বিশিষ্ট কবি ৰণ্ জিত গগৈ আদিয়ে বক্তব্য ৰখাৰ ওপৰিও শিল্পী গোস্বামীৰ সমদলে আলেখ্য , নীভা দত্ত ৰভীৰ সমদল ,জলি বেগমৰ সমদল , ৰূপৰেখা বৰুৱাৰ সমদল , নিজৰা লাহনৰ সমদল আদিয়ে হীৰেন ভট্টাচাৰ্য , ড° প্ৰণৱজ্যোতি চেতিয়া , নৱকান্ত বৰুৱাৰ কবিতা পাঠ কৰে ৷ মিনু কোঁৱৰ বৰুৱা , মিনু স্বৰ্ণকাৰ , বিনু কাকতিয়ে একোটিকৈ গীত গোৱাৰ উপৰিও ডিম্বেশ্বৰী দাস , লিলিমা খনিকৰ ,মামণি কটকী , মামণি দত্ত , ইন্দিৰা পাও গগৈ , উত্তম বৰদলৈ , অশান্ত ৰাতুল দত্ত , মুক্তাৱ আলি , জয়ন্ত শইকীয়া , অমিয়া গগৈ কোঁৱৰকে ধৰি দুকুৰিতকৈ অধিক কবিয়ে কবিতা পাঠ কৰি জীপাল কৰা অনুষ্ঠানটিত প্ৰতাপ বৰুৱা , সুনেন্দ্ৰ বুঢ়াগোহাঁই , ভবেন ফুকন , ড° নমিতা শইকীয়া , ড° অঞ্জুমণি শইকীয়া , উষা বৰা , অষ্টমী দত্ত , সন্ধ্যাৰাণী বেজবৰুৱাকে ধৰি বহুতো গণ্য মান্য ব্যক্তি উপস্থিত থকা অনুষ্ঠানটিত শলাগৰ শৰাই আগবঢ়াই ইন্দিৰা পাও গগৈয়ে ৷