বোকাখাতত অপেন এয়াৰ অ’ডিটৰিয়াম উন্মোচন
বুবুল দত্ত, বোকাখাতঃ বোকাখাত উচ্চতৰ মাধ্যমিক বিদ্যালয়ৰ চৌহদত আজি “অপেন এয়াৰ অ’ডিটৰিয়াম” উন্মোচন কৰা হয়। বোকাখাতৰ বিধায়ক তথা অসম চৰকাৰৰ জ্যেষ্ঠ কেবিনেট মন্ত্ৰী অতুল বৰাই শুভ উন্মোচন কৰে এই অডিটৰিয়াম। অনুষ্ঠানত নুমলীগড় শোধনাগাৰৰ বিষয়া মিন্টু সন্দিকৈ উপস্থিত থাকে। নুমলীগড় শোধনাগাৰৰ সামাজিক দায়বদ্ধ আঁচনিৰ অধীনত নিৰ্মাণ কৰা হৈছে এই অপেন এয়াৰ অডিটৰিয়াম। বোকাখাত উচ্চতৰ মাধ্যমিক বিদ্যালয়ৰ অধ্যক্ষ কমল গগৈয়ে আঁত ধৰা অনুষ্ঠানত আদৰণি ভাষণ প্ৰদান কৰে শোধনাগাৰৰ বিষয়া মিন্টু সন্দিকৈয়ে। উদ্বোধনী ভাষনত মন্ত্ৰী বৰাই কয় যে বোকাখাত বাসীয়ে এই বিশাল অনুষ্ঠানটো এতিয়া ব্যৱহাৰ কৰিব লাগিব। এই অনুষ্ঠানৰ চৌহদৰ বেৰা আৰু ওখকৈ নিৰ্মাণ কৰা হ’ব বুলিও উল্লেখ কৰে।
