নয়নমণি নৃত্যাঞ্জলি কলা কেন্দ্ৰৰ সত্ৰীয়া নৃত্য কৰ্মশালাৰ সফল সামৰণি
গোলাঘাট, ৰাইজৰ খবৰ ডিজিটেলঃ গোলাঘাটৰ নয়নমণি নৃত্যাঞ্জলি কলা কেন্দ্ৰৰ উদ্যোগত আয়োজিত সত্ৰীয়া নৃত্য আৰু সৃষ্টিশীল নৃত্য কৰ্মশালাৰ আজি সফল সামৰণি পৰে । নৱ-প্ৰজন্মৰ মাজত অসমীয়া কৃষ্টি,সংস্কৃতি চৰ্চাৰ পৰিৱেশ ৰচনাৰ ক্ষেত্ৰত নয়নমণি শৰ্মাৰ নেতৃত্বত অগ্ৰনী ভূমিকা গ্ৰহণ কৰি অহা গোলাঘাট নগৰৰ নয়নমণি নৃতাজ্ঞলি কলা কেন্দ্ৰই আয়োজন কৰা সত্ৰীয়া আৰু সৃষ্টিশীল নৃত্যৰ কৰ্মশালাৰ সামৰণি অনুষ্ঠানত প্ৰশিক্ষাৰ্থী সকলৰ মাজত প্ৰমাণপত্ৰ বিতৰণ কৰা হয় । এই উপলক্ষে অনুষ্ঠিত হোৱা অনুষ্ঠানত প্ৰশিক্ষাৰ্থী সকলে নৃত্য প্ৰদৰ্শন কৰি মুখৰিত কৰি তোলে । ৰেখামণি কাকতিয়ে পৰিচালনা কৰা সামৰণি অনুষ্ঠানত জ্যেষ্ঠ সাংবাদিক দিগন্ত কুমাৰ ভূঞা, গোলাঘাট জিলা মহিলা সমিতিৰ সভানেত্ৰী জুৰি দাস ৰাজখোৱা, অনুষ্ঠানটোৰ সভাপতি দেৱেন শৰ্মা, প্ৰশিক্ষক সদা হাজৰিকা, সাংবাদিক চন্দন কৰ্মকাৰ আদিয়ে বিশিষ্ট অতিথি হিচাপে অংশগ্ৰহণ কৰি শুভেচ্ছা মূলক বক্তব্য আগবঢ়ায় । অপৰাজিতা দেৱী, পপী কলিতা,বৰ্ণালী গোস্বামী আদি অনুষ্ঠানত উপস্থিত থাকে ।
