৬৮ সংখ্যক ৰাষ্ট্রীয় স্কুল গেমছত ৰাজ্যক প্ৰতিনিধিত্ব কৰি যোৰহাট ছুইমিং ছ’চাইটিৰ ছজন খেলুৱৈৰ পদক অর্জন

৬৮ সংখ্যক ৰাষ্ট্রীয় স্কুল গেমছত ৰাজ্যক প্ৰতিনিধিত্ব কৰি যোৰহাট ছুইমিং ছ’চাইটিৰ ছজন খেলুৱৈৰ পদক অর্জন
প্ৰয়াস গগৈয়ে অসম দলৰ হৈ একমাত্ৰ সোণৰ পদক লাভ

জিতুল কুমাৰ গগৈ, যোৰহাটঃ যোৰহাটৰ সাঁতোৰ খেলুৱৈ প্ৰয়াস গগৈ, আহ্লাদ আদিত্য, ভূমিকা কাশ্যপে, অংগৰিকা শইকীয়া, ত্রিশিকা গগৈ আৰু অংশুমান কাশ্যপে ৰাষ্ট্রীয় স্কুল গেমছত ৰাজ্যক প্ৰতিনিধিত্ব কৰি সোণসহ পদক অৰ্জন কৰি অসমলৈ গৌৰৱ কঢ়িয়াই আনিছে। গুজৰাটৰ ৰাজকোটত যোৱা ২৩ নৱেম্বৰৰ পৰা ৩০ নৱেম্বৰলৈ অনুষ্ঠিত ৬৮ সংখ্যক ৰাষ্ট্রীয় স্কুল গেমছ ২০২৪ত যোৰহাট ছুইমিং ছ’চাইটিৰ ২৮ জন সাঁতোৰ খেলুৱৈয়ে ৰাজ্যক প্ৰতিনিধিত্ব কৰি তাৰে ১০জন খেলুৱৈয়ে ফাইনেলত উপনীত হৈ ৬ জনে সাঁতোৰ খেলুৱৈয়ে সোণৰ পদকসহ জয় কৰি বিশেষ কৃতিত্ব অর্জন কৰিবলৈ সক্ষম হয়। প্ৰতিযোগিতাখনত অসম ৰাজ্যিক স্কুল দলক প্রতিনিধিত্ব কৰি ১৪ বছৰ অনূর্ধ্ব শাখাত ছ’চাইটিৰ প্ৰয়াস গগৈয়ে ব্যক্তিগতভাবে ৫০ মিটাৰ ফ্রীষ্টাইলত অসম দলৰ একমাত্ৰ সোণৰ পদক, ১০০ মিটাৰ আৰু ২০০ মিটাৰ ফ্রীষ্টাইলত ৰূপৰ পদক, দলীয়ভাবে ৪ X ১০০ মিটাৰ ফ্রীষ্টাইল ৰীলে আৰু ৪ X ১০০ মিটাৰ মেডলী ৰীলেত ৰূপৰ পদক অৰ্জন কৰে। আহ্লাদ আদিত্যই দলীয়ভাবে ৪ X ১০০ মিটাৰ ফ্রীষ্টাইল ৰীলে আৰু ৪ X ১০০ মিটাৰ মেডলী ৰীলেত ৰূপৰ পদক, ভূমিকা কাশ্যপে ২০০ মিটাৰ ইণ্ডিভিজুৱেল মেডলীত ৰূপৰ পদক, দলীয়ভাবে ৪ X ১০০ মিটাব ফ্রীষ্টাইল ৰীলে আৰু ৪ X ১০০ মিটাৰ মেডলী ৰীলেত ব্ৰঞ্জৰ পদক, অংগৰিকা শইকীয়াই ২০০ মিটাৰ বাটাৰ ফ্লাইত ব্ৰঞ্জৰ পদক আৰু দলীয়ভাবে ৪ X ১০০ মিটাৰ ফ্রীষ্টাইল ৰীলে আৰু ৪ X ১০০ মিটাৰ মেডলী ৰীলেত ব্ৰঞ্জৰ পদক, সমৃদ্ধি কৌশিকে দলীয়ভাবে ৪ X ১০০ মিটাৰ ফ্রীষ্টাইল ৰীলেত ব্ৰঞ্জৰ পদক, ত্রিশিকা গগৈয়ে দলীয়ভাবে ৪ X ১০০ মিটাৰ মেডলী ৰীলেত ব্রঞ্জব পদক আৰু ১৭ বছৰ অনূর্ধ্ব শাখাত তাসমৰ একমাত্র পদক অংশুমান কাশ্যপে ৫০ মিটাৰ ফ্রীষ্টাইলত ব্রঞ্জৰ পদক অৰ্জন কৰি অসম তথা যোৰহাট ছুইমিং ছ’চাইটিলৈ গৌৰৱ কঢ়িয়াই আনিছে। এনেদৰে ৰাষ্ট্ৰীয় প্ৰতিযোগিতাত পদক জয় কৰি গৌৰৱ কঢ়িয়াবলৈ সক্ষম হোৱা বিজয়ী সমূহ খেলুৱৈসকলক যোৰহাট ছুইমিং ছ’চাইটিৰ হৈ সভাপতি-সম্পাদক অভিনন্দন জনাইছে।

  • Related Posts

    গুৱাহাটীত উপস্থিত মাষ্টাৰ ব্লাষ্টাৰ শচীন টেণ্ডুলকাৰ

    ভৱেশ কলিতা , আজাৰাঃ গুৱাহাটীত ৩ এপ্ৰিলত উপস্থিত হ’ল ক্ৰিকেটৰ প্ৰভু মাষ্টাৰ ব্লাষ্টাৰ শচীন টেণ্ডুলকাৰৰ সৈতে পত্নী অঞ্জলি টেণ্ডুলকাৰ আৰু জীয়েক ছাৰা টেণ্ডুলকাৰ সহ তেওঁলোকৰ পৰিয়াল । কালি দুপৰীয়া মুম্বাইৰ…

    ছুপাৰ ডিভিজন ফুটবললৈ সাজু যোৰহাট টাউন ক্লাৱ

    ক্লাৱৰ জাৰ্চী উন্মোচন জিতুল কুমাৰ গগৈ, যোৰহাট, ১১ ফেব্ৰুৱাৰীঃ যোৰহাট ষ্টেডিয়ামত চলি থকা যোৰহাট জিলা ক্ৰীড়া সন্থাৰ ছুপাৰ ডিভিজন ফুটবল লীগ প্ৰতিযোগিতাৰ লগতে বৰ্ষটোৰ বাবে বিভিন্ন প্ৰতিযোগিতাত প্ৰতিনিধিত্ব কৰিব পৰাকৈ…

    অন্যান্য বাতৰি

    গুৱাহাটীত উপস্থিত মাষ্টাৰ ব্লাষ্টাৰ শচীন টেণ্ডুলকাৰ

    গুৱাহাটীত উপস্থিত মাষ্টাৰ ব্লাষ্টাৰ শচীন টেণ্ডুলকাৰ

    গোলাঘাট জিলাত অসম আবৃত্তি আৰু সংস্কৃতি পৰিষদৰ দ্বিতীয় বাৰ্ষিক প্ৰতিষ্ঠা দিৱস উদযাপন

    গোলাঘাট জিলাত অসম আবৃত্তি আৰু সংস্কৃতি পৰিষদৰ দ্বিতীয় বাৰ্ষিক প্ৰতিষ্ঠা দিৱস উদযাপন

    “জোনাকী মেল” ই বুকচ্ ( শিশু আলোচনী ) দ্বিতীয় সংখ্যা উন্মোচন

    “জোনাকী মেল” ই বুকচ্ ( শিশু আলোচনী ) দ্বিতীয় সংখ্যা উন্মোচন

    বিশিষ্ট সাংবাদিক আৰু লেখক তমোজ্যোতি ভট্টাচাৰ্যলৈ অসম ৰাজ্যিক সাংবাদিক সন্থা আৰু বৰাক ভেলী মিডিয়া ফ’ৰামৰ ‘বৰাক উপত্যকা সাংবাদিকতা বঁটা ২০২৫’ প্ৰদান

    বিশিষ্ট সাংবাদিক আৰু লেখক তমোজ্যোতি ভট্টাচাৰ্যলৈ অসম ৰাজ্যিক সাংবাদিক সন্থা আৰু বৰাক ভেলী মিডিয়া ফ’ৰামৰ ‘বৰাক উপত্যকা সাংবাদিকতা বঁটা ২০২৫’ প্ৰদান