৩৮ সংখ্যক আন্তঃ আই আই টি একুৱেটিক মিট সাঁতোৰত ভাৰ্গৱ ফুকনৰ স্বৰ্ণসহ তিনি পদক অৰ্জন
জিতুল কুমাৰ গগৈ, যোৰহাটঃ মধ্যপ্ৰদেশৰ ইন্দোৰত চলি থকা (১ৰ পৰা ৫ অক্টোবৰলৈ) ৩৮ সংখ্যক আন্তঃ আই আই টি একুৱেটিক মিট প্ৰতিযোগিতাত যোৰহাটৰ ভাৰ্গৱ ফুকনে সাঁতোৰত তিনিটাকৈ পদক অৰ্জনেৰে গৌৰৱ কঢ়িয়াবলৈ সক্ষম হৈছে। প্ৰতিযোগিতাখনত গুৱাহাটী আই আই টি দলৰ হৈ ভাৰ্গৱ ফুকনে ১০০ মিটাৰ মিডলিত সোণৰ পদক অৰ্জন কৰাৰ লগতে ব্যক্তিগত ভাৱে ৫০ মিটাৰ ফ্ৰী ষ্টাইলত ৰূপৰ আৰু ৫০ মিটাৰ ব্ৰেষ্ট ষ্টোকত ব্ৰঞ্জৰ পদক মুঠ তিনিটা পদক লাভ কৰা ভাৰ্গৱ ফুকন যোৰহাটৰ কমাৰবন্ধা পথৰ নিৰ্বাসী সমাজকৰ্মী পুলিন ফুকন আৰু জোনালী ফুকনৰ পুত্ৰ ভাৰ্গৱ যোৰহাট ছুইমিং ছ’চাইটিৰ এজন প্ৰাক্তন প্ৰশিক্ষাৰ্থী তথা বৰ্তমান গুৱাহাটী আই আই টিৰ এজন গৱেষক ছাত্ৰ। ভাৰ্গৱ ফুকনৰ এই সফলতাত যোৰহাটৰ লগতে গুৱাহাটী আই আই টি উপৰিও ৰাজ্যখনলৈ গৌৰৱ কঢ়িয়াই আনিছে।
