বোকাখাতত টেক্স কনচালটেন্সীৰ কাৰ্যালয় মুকলি কৰে গৌৰৱ গগৈয়ে
ৰাইজৰ খবৰ ডিজিটেল, ৬ জুন, বোকাখাতঃ বোকাখাতৰ চাৰি নং ৱাৰ্ডত সাংসদ গৌৰৱ গগৈয়ে মুকলি কৰে এটি কাৰ্যালয়৷ বহস্পতিবাৰে গগৈয়ে মুকলি কৰা এই Tax Consultancy কাৰ্যালয়টিৰ জৰিয়তে এতিয়াৰে পৰা অঞ্চলটোৰ বাসিন্দাসকলে নিজা taxৰ সম্বন্ধে অৱগত হ’ব পাৰিব৷
উল্লেখ্য, কৰ শব্দটোৰ স’তে আমি সকলোৱেই পৰিচিত৷ কৰ বুলিলে দুই-একে নুবুজিলেও টেক্স বুলি ক’লে আমাৰ কাৰো বুজিবলৈ অকণমানো অসুবিধা নহয়৷ আপুনি বাৰু জানেনে যে কৰৰো দুটা ভাগ থাকে৷ এটা হৈছে প্ৰত্যক্ষ কৰ অৰ্থাৎ Direct Tax আৰু আনটো পৰোক্ষ কৰ অৰ্থাৎ Indirect tax. আমি গম নোপোৱাকৈয়ে পৰোক্ষ কৰ বা Indirect taxবোৰ দিওঁ৷ বিস্কুট এপেকেট কিনিলে আমাৰ পৰা চৰকাৰে tax নলয়, কিন্তু, বিস্কুট ফেক্টৰীৰ পৰা লয় টেক্স৷ পাইকাৰী বেপাৰীৰ পৰা, খুচুৰা বেপাৰীৰ পৰা, গাড়ীত বস্তুবোৰ কঢ়িয়াই আনোতে পৰিবহণ টেক্স, গাড়ীত তেল ভৰাওতে তেলৰ টেক্স আদি বিভিন্ন tax লয়৷ যাৰ বাবেই দুটকীয়া বিস্কুটৰ দাম আঠৰ পৰা দহ টকা হয়গৈ৷ এই পৰোক্ষ কৰ বা indirect taxৰ বিপৰীতে বেছিকৈ উপাৰ্জন কৰা লোকে প্ৰত্যক্ষ কৰ বা direct tax চৰকাৰক দিয়াটো বাধ্যতামূলক৷ কিমান পৰিমাণৰ tax দিব লাগে বহুতেই নাজানে৷
Tax সম্বন্ধীয় এই বিষয়বোৰ যাতে সমাধান কৰিব পাৰি তাৰ বাবে বোকাখাতত বৃহস্পতিবাৰে আৰম্ভ কৰা হৈছে এটি কাৰ্যালয়৷ আনহাতে, এই কাৰ্যালয়টিয়েই মুকলি কৰে সাংসদ গৌৰৱ গগৈয়ে৷ যোৰহাটৰ পৰা সাংসদ হিচাপে লোকসভালৈ নিৰ্বাচিত হোৱা গৌৰৱ গগৈৰ বোকাখাতত এয়াই প্ৰথমটো কাৰ্যসূচী৷ বোকাখাতৰ চাৰি নং ৱাৰ্ডত আৰম্ভ কৰা এই কাৰ্যালয়ৰ স্বত্বাধিকাৰ তথা Chartered Accountant আয়ুস নিমোদিয়াই অঞ্চলটোৰ ৰাইজৰ taxৰ বিভিন্ন ক্ষেত্ৰত সহযোগিতা আগবঢ়াবলৈকে এই কাৰ্যালয় মুকলি কৰা বুলি মন্তব্য কৰিছে৷
