চৰাইদেউৰ পৰা ১৩কিঃমিঃ নামনিত লাংকুৰি দ’ল অৱস্থিত।লাংকুৰি দ’ল প্ৰাক শিৱ দ’ল আছিল।আহোম সকলে ভগৱান শিৱক লাংকুৰি বুলিছিল।চৰাইদেউ দেওশালৰ দক্ষিণ দিশত থকা টিলাটোৰ ওপৰত স্বৰ্গদেউ গদাধৰ সিংহই ১৬১৩ শকৰ আঘোণ মাহত এটা দ’ল নিৰ্মান কৰায়।বর্তমান ইয়াৰ ভগ্নাৱশেষহে আছে। স্বৰ্গদেউ চুকাফাই লাংকুৰি দেৱতাৰ পূজা-সেৱাৰ কাৰণে এই দ’ল বা দেওশাল নিৰ্ম্মাণ কৰাইছিল।
আহোম ৰাজত্ব কালৰ শেষৰ ফালে চৰাইদেউ পৰ্বতৰ পৰা লাংকুৰি দেওশাল স্থানান্তৰ কৰি আমলখি গুৰিৰ ৰঙাগড়াত প্ৰতিষ্ঠা কৰিছিল। লাকুৱা ৰেল ষ্টেচনৰ পৰা ৰঙাগড়া দেওশাললৈ ৫ কি.মি. দূৰ। আহোমসকলে এতিয়াও ১২ বছৰৰ মূৰে মূৰে এই দেওশালত পৰম্পৰা অনুসৰি উম্ফা পূজা কৰে।
বৰ্তমান প্ৰত্নতাত্বিক চৰকাৰী বিভাগে ঐতিহাসিক স্থান হিচাপে সংৰক্ষনৰ ব্যৱস্থা কৰিছে লাংকুৰি দ’লক।এই দ’লৰ ডিম্বাকৃতিৰ ভগ্নাংৱশেষ সেই স্থানতে মাটিত পোত খাই আছে।
দেশী বিদেশী পৰ্য্যটকে চাবৰ বাবে পৰ্য্যটন আৱাস গৃহ নিৰ্মান কৰি দিছিল যদিও বৰ্তমানে পৰিত্যক্ত অৱস্থাত আছে।
অসমৰ লেখতলবলবগীয়া ঐতিহাসিক স্থান চৰাইদেউ আৰু শিৱসাগৰ জিলাত সাম্ভাব্য পৰ্যটন স্থলিসমূহ আজিও যেন সম্পূৰ্ণ নহ’ল অনুভৱ হয়!!
—সঞ্জীৱ ৰাজগুৰু
