এই কথা শুনিলে আপোনাৰো গাৰ নোম শিঁয়ৰি উঠিব পাৰে! কি কৰিছিল ২০২১ চনত হলিউড ষ্টাৰ, মোহময়ী অভিনেত্ৰী, অতীৱ সুন্দৰী এঞ্জেলিনা জলীয়ে! পঢ়ক সম্পূৰ্ণ বাতৰি।
এঞ্জেলিনা জলী বুলি ক’লেই হলিউড চিনেমা জগতৰ এক ফটাফুটা নাম। কেৱল হলিউডেই নে সমগ্ৰ বিশ্বতে আবেদনময়ী এঞ্জেলিনাৰ আছে লক্ষ-লক্ষ ফেন ফ’ল’ৱাৰ্ছ। কেৱল অভিনেত্ৰীয়েই নহয়, চলচিত্ৰ নিৰ্মাতা হিচাবেও সমাদৃতা এঞ্জেলিনাই পিছে সুকীয়া কিছু কৰ্ম-কাণ্ডৰে তেওঁৰ গুণমুগ্ধক আচম্বিত কৰি ৰাখে।
২০২১ চনতো হ’ল তেনে এক ঘটনাই৷ জানি থওক আপুনিও কি হৈছিল। কি বিশেষ দিনৰ বাবে কি কৰিছিল এঞ্জেলিনাই।
২০ মে’ — এক বিশেষ দিন৷ বিশ্ব মৌ মাখি দিৱস। মৌ পালনৰ সজাগতা বৃদ্ধিৰ উদ্দেশ্য প্ৰতিবছৰে পালন কৰা হয় বিশ্ব মৌ মাখি দিৱস।
মৌ-মাখি পালন হৈছে এটি কৃষি ভিত্তিক উদ্যোগ। মৌ আৰু তাৰ উপজাত দ্রব্যৰ ক্ৰমবৰ্দ্ধিত বজাৰে মৌমাখি পালনক বৰ্তমান সমগ্ৰ বিশ্বৰ লগতে অসমতো এটি কার্যকৰী উদ্যোগলৈ পৰিণত কৰিছে। মৌ আৰু ম’ম হল মৌমাখি পালনৰ পৰা পোৱা দুটা অর্থনৈতিকভাৱে গুৰুত্বপূর্ণ উপজাত পদার্থ ৷ মৌ বা ম’মৰ যথেষ্ট বজাৰ চাহিদা আছে।
১৭৩৪ চনৰ ২০ মে’ তাৰিখে মৌ পালনৰ অগ্ৰগামী এণ্টন জানচাৰ জন্ম হৈছিল আৰু এই দিনটোকে প্ৰতি বছৰে বিশ্ব মৌ দিৱস হিচাপে পালন কৰি অহা হৈছে । ৰাষ্ট্ৰসংঘৰ সদস্য ৰাষ্ট্ৰ সমূহে ২০১৭ চনৰ ২০ মে’ তাৰিখটো প্ৰথম বাৰৰ বাবে বিশ্ব মৌ দিৱস হিচাপে পালনৰ অনুমতি প্ৰদান কৰে । এই দিৱসৰ উদ্দেশ্য হ’ল—পৰিস্থিতি তন্ত্ৰৰ সন্তুলনৰ বাবে উদ্ভিদৰ পৰাগযোগৰ ক্ষেত্ৰত মৌ মাখিৰ ভূমিকাৰ বিষয়ে সজাগতা সৃষ্টি কৰা।
যাৰবাবেই ২০২১ চনত এই দিৱসৰ তাৎপৰ্য আৰু উদ্দেশ্যৰ ফলপ্ৰসূতাৰ বাবে মার্কিন অভিনেত্রী, চলচ্চিত্র নির্মাতা এঞ্জেলিনা জলিয়ে শৰীৰত কিছুমান মৌ মাখি লৈ ফটোৰ বাবে প’জ দিছিল। যি মৌ-মাখিয়ে বিন্ধিব বুলি সাধাৰণতেই সাৱধান হৈ থকা হয়, তেনেক্ষেত্ৰত একপ্ৰকাৰ দুঃসাহসিকাতৰে এঞ্জেলিনাৰ মৌ-মাখিৰ স’তে উঠা ফ’টো, ভিডিঅ’ই ব্যাপক ৰূপত চৰ্চ্চা লাভ কৰিছে।
সংগ্ৰহ আৰু সম্পাদনাঃ গীতিৰেখা দত্ত
বিঃদ্ৰঃ প্ৰকাশিত লেখাটোৰ তথ্য ইন্টাৰনেটকে ধৰি বিভিন্ন উৎসৰ পৰা সংগ্ৰহিত। এয়া কেৱল সাধাৰণ জ্ঞান তথা তথ্যৰ বাবেহে প্ৰকাশিত। ইয়াৰ কোনো সত্যসত্যতা ৰাইজৰ খবৰ ডিজিটেলে দাবী নকৰে।
