বোকাখাতৰ নাহৰজানত কুঁৱাত পৰি দুজনৰ শোকবহ মৃত্যু
বোকাখাত, ৰাইজৰ খবৰ ডিজিটেল, ১২ জুনঃ
বোকাখাতৰ নাহৰজানত সংঘটিত হয় এক শোকাৱহ ঘটনা। আজি বিয়লি কুঁৱাত পৰা ছাগলী উদ্ধাৰ কৰিবলৈ গৈ দুজন লোকে কৰুণভাৱে মৃত্যুক সাৱটিব লগা হয়। আন দুজনক সংকটজনক অৱস্থাত উদ্ধাৰ কৰা হয় । আহত দুজনক বোকাখাত শ্বহীদ কমলা মিৰি মহকুমা চিকিৎসালয়ত ভৰ্তি কৰোৱা হৈছে। কুঁৱাত পৰা ছাগলী উঠাবলৈ গৈ মৃত্যু হোৱা লোক দুজনৰ নাম বিকেশ্বৰ নায়ক (৩২ ) আৰু আনজনৰ নাম নৱ নায়ক (৩৬) বুলি জানিব পৰা গৈছে । আনহাতে, আহত বিশাল নায়ক আৰু পৱন নায়ক সম্প্ৰতি চিকিৎসাধীন হৈ আছে।
