গোলাঘাটৰ সাংবাদিক বিকাশ শৰ্মাৰ কাষত অসম ৰাজ্যিক সাংবাদিক সন্থা
ৰাইজৰ খবৰ ডিজিটেল, বোকাখাতঃ সাংবাদিকতাৰ বলিষ্ঠ কন্ঠ গোলাঘাটৰ বিকাশ শৰ্মা অসুস্থ। শয্যাই সম্প্ৰতি তেওঁৰ সংগী।একালৰ গোলাঘাট জিলাৰ যিসকল সাংবাদিকে জীৱনক বাজী ৰাখি সাংবাদিকতা কৰিছিল, তাৰ মাজৰ অন্যতম এক সত্বা বিকাশ শৰ্মা। দেওবাৰে অসুস্থ হৈ থকা প্ৰবীন সাংবাদিকগৰাকীক এষাৰ মাত লগোৱাৰ লগতে অসম ৰাজ্যিক সাংবাদিক সন্থা আৰু বোকাখাত মহকুমা সাংবাদিক সংস্থাৰ তৰফৰ পৰা সম্বৰ্ধনা জনোৱা হয়। তেখেতৰ আশু আৰোগ্য কামনা কৰাৰ লগতে, এনে এগৰাকী বিশিষ্ট সাংবাদিকক উপযুক্ত চিকিৎসা প্ৰদানৰ সকলো ব্যৱস্থা কৰিবলৈ অসম চৰকাৰক আহ্বান জনোৱা হয়। এই উদ্দেশ্যৰে অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা আৰু সম্পাদক প্ৰদীপ কুমাৰ ডেকাই ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মালৈ আজি এক জৰুৰী পত্ৰ প্ৰেৰণ কৰিছে। পত্ৰত বৰ্তমান সাংবাদিক বিকাশ শৰ্মাৰ এক জৰুৰী অস্ত্ৰোপ্ৰচাৰৰ প্ৰয়োজন বুলি উল্লেখ কৰি, সাংবাদিক গৰাকীৰ চিকিৎসাৰ বাবে সকলো ব্যৱস্থা গ্ৰহণৰ আহ্বান জনাইছে।
