বানৰ সময়ত কাজিৰঙাৰ ঘাইপথ অতিক্ৰমৰ ক্ষেত্ৰত পুনৰ নতুন নিৰ্দেশনা
নিউজ ডেস্ক ৰিপ’ৰ্ট, ৰাইজৰ খবৰ ডিজিটেলঃ বানৰ সময়ত কাজিৰঙাৰ ঘাইপথত যান-বাহন চলাচলৰ ক্ষেত্ৰত গোলাঘাট জিলা আৰক্ষী অধীক্ষকে জাৰি কৰা নিৰ্দেশনাৰ কিছু সালসলনি কৰি এক নতুন নিৰ্দেশনা জাৰি কৰিছে৷
নতুন নিৰ্দেশনা অনুসৰি, যাত্ৰীবাহী বাহন আৰু ব্যক্তিগত এই দুই ধৰণৰ বাহন চলাচলৰ ক্ষেত্ৰত নিয়ম কিছু শিথিল কৰা হৈছে৷ কাজিৰঙাৰ ঘাইপথত এই বাহন সমূহে এক নিদিৰ্ষ্ট গতিবেগৰ মাজেৰে চলাচল কৰিব পাৰিব৷ সেইমতে, আৰক্ষী আৰু বনবিভাগে যান-বাহন সমূহক প্ৰতি আধা ঘন্টাৰ মূৰে মূৰে কাজিৰঙাৰ পথচোৱা অতিক্ৰম কৰাত সহযোগ কৰিব৷
