ফৰকাটিং অমৰজ্যোতি ক্লাৱত সত্ৰীয়া নৃত্য আৰু সৃষ্টিশীল নৃত্যৰ কৰ্মশালাৰ আয়োজন
ৰাইজৰ খবৰ ডিজিটেল, ফৰকাটিংঃ গোলাঘাট জিলাৰ ফৰকাটিঙৰ অগ্ৰণী সাংস্কৃতিক অনুষ্ঠান ফৰকাটিং অমৰজ্যোতি ক্লাৱত সত্ৰীয়া নৃত্য আৰু সৃষ্টিশীল নৃত্যৰ কৰ্মশালাৰ আয়োজন কৰা হৈছে৷ ফৰকাটিং অমৰজ্যোতি ক্লাৱৰ সৌজন্যত আৰু সৃজন কলাকেন্দ্ৰৰ সহযোগত আয়োজন কৰা হৈছে এই কৰ্মশালা৷ অহা ১৫ জুলাইৰ পৰা ২৫ জুলাইলৈকে মুঠ ১১ দিনৰ বাবে অনুষ্ঠিত হ’ব এই গ্ৰীষ্মকালীন কৰ্মশালাৰ৷ উক্ত কৰ্মশালাত অসমৰ জনপ্ৰিয় নৃত্য পৰিচালক শান্তুমণি শৰ্মা, অংকুৰ ঠেঙাল আৰু সত্ৰীয়া নৃত্যৰ নৃত্যৰত্ন উপাধি লাভ কৰা অংশমী শৰ্মা আচাৰ্যী, নৃত্য বিশাৰদ ৰিতুৰাজ হাজৰিকা, টইংকুল থাপা, নৃত্য শিল্পী মণিমুগ্ধ বৰুৱাই প্ৰশিক্ষণ প্ৰদান কৰিব৷
ইচ্ছুক প্ৰশিক্ষাৰ্থী সকলে অংশগ্ৰহণ সম্পৰ্কীয় সবিশেষ তথ্যৰ বাবে উদ্যোক্তাসকলৰ সৈতে যোগাযোগ কৰিব পাৰিব বুলি সৃজন কলাকেন্দ্ৰৰ পৰিচালক প্ৰৱীণ ফুকনে আহ্বান জনাইছে।
যোগাযোগৰ নম্বৰ হ’ল— ৯৩৬৫৯১১৪২১ আৰু ৮৬৩৮৭৩৮৯৮৭
