পুষ্পা গগৈ সোঁৱৰণী ন্যাসৰ উদ্যোগত যোৰহাটত কবিতা আবৃত্তি প্রতিযোগিতা আয়োজন
জিতুল কুমাৰ গগৈ, যোৰহাটঃ তাই আহোম সংস্কৃতি সংৰক্ষণ আৰু শিক্ষা বিকাশ সমিতি (তাইচাব) আৰু পুষ্পা গগৈ সোঁৱৰণী ন্যাসৰ যুটীয়া উদ্যোগত যোৰহাটত এখনি কবিতা আবৃত্তি প্রতিযোগিতা আয়োজন কৰিছে।
মহাবীৰ লাচিত বৰফুকনৰ ৪০২ বছৰীয়া জন্ম জয়ন্তীৰ লগত সঙ্গতি ৰাখি বিগত বৰ্ষবোৰৰ দৰে এইবাৰো অহা ৮ আঘোণ, দেওবাৰে (২৪ নৱেম্বৰ) ঐতিহাসিক যোৰহাট মহানগৰৰ ৰাজমাও পুখুৰীৰ সমীপত থকা “জয়াভৱন”ৰ পুষ্পা গগৈ সোঁৱৰণী কক্ষত পুৱা ১০ বজাৰ পৰা ত্ৰিশ বছৰ ঊর্ধ্বৰ মহিলা সকলৰ মাজত সপ্তম বার্ষিক কবিতা আবৃত্তি প্রতিযোগিতাখনি অনুষ্ঠিত হ’ব। প্ৰতিযোগিতাখনত পুষ্পা গগৈৰ স্বৰচিত “নির্জনতাৰ চনকা হৃদয়” নামৰ কবিতাটি আবৃত্তিৰ বাবে আয়োজক সমিতিয়ে নিৰ্বাচন কৰা হৈছে বুলি লাচিত দিৱসৰ উদযাপন সমিতিৰ সভাপতি তৰুণ গগৈ, উপ-সভাপতি ধীৰেণ কুমাৰ গগৈ, যুটীয়া সম্পাদক ঘনশ্যাম গগৈ আৰু সুব্রত পাৰ্থিৱ বৰাই জনাইছে। যোগদান মাছুল ৩০ টকা দি উক্ত প্ৰতিযোগিতাখনিত যোগদান কৰিব পৰা প্ৰতিযোগিতাখনৰ বিষয়ে ইচ্ছুক প্ৰতিযোগীয়ে আৰু কিবা জানিব বিচাৰিলে ৯৪৩৫০৯৫৮৬৫ আৰু ৯৮৫৪১৮৮১৬৮ এই নম্বৰত যোগাযোগ কৰিব পাৰিব বুলি আয়োজক সমিতিয়ে লগতে জনাইছোঁ।
